На 2 април 2025 година, Центарот за правни истражувања и анализи и Македонското здружение на млади правници одржаа консултативна средба на тема „Унапредување на прекршочните санкции за заштита на правото на приватност“. На настанот беа презентирани предлози за измени на Законот за прекршоци, со акцент на поефективна заштита на личните податоци.
Сегашната законска рамка предвидува кратки рокови за постапување од 30 дена и ниски казни, што ја прави заштитата на приватноста недоволно ефикасна. Новите предлози предвидуваат продолжување на роковите на 90 дена и значително зголемување на казните, со што се очекува да се постигне поефикасна и посуштинска заштита на личните податоци.
Промените се стремат кон воспоставување на санкции кои се ефикасни, пропорционални и доволно одвраќачки, со цел да се обезбеди вистинска и долгорочна заштита на приватноста на граѓаните.
Активноста е поддржана од проектот „Ефикасна правда за заштита на основните слободи и правото на приватност во онлајн просторот” финансиски поддржан од Европската Унија, а имплементиран од ЦПИА и МЗМП.